Is-Siġġiewi

Is-Siġġiewi jinsab f'Lbiċ ta' Malta madwar ħames mili 'l bogħod mill-Belt Valletta. Dan ir-raħal huwa wieħed mill-eqdem irħula li għandna f'Malta u fih iħaddan ħafna kampanja u bini antik.

Fit-30 ta' Dicembru tal-1797, il-Gran Mastru Ferdinand de Hompesch eleva lis-Siġġiewi ghat-titlu ta' belt u sar magħruf bħala Citta' Ferdinand.

Fl-imgħoddi

Fl-imgħoddi dan ir-raħal kien maqsum f'erba' rħula żgħar imxerrdin fil-kampanja ta' madwaru: Ħal Xluq, Ħal Kbir, Ħal Niklusi u Ħal Kdieri, illi ntemmu ħabba l-attakki kontinwi mill-furbani u għalhekk in-nies bdew jitilqu minn dawn l-inħawi u nġabbru fejn illum insibu s-Siġġiewi.

Illum

Illum is-Siġġiewi kiber u żviluppa għall-popolazzjoni ta' madwar 8,000 ruħ imma madankollu xorta għadu jħaddan it-tradizzjonijiet u l-kultura Maltija qalb il-kwiet u t-trankwilita' tal-kampanja.